Habitat Grup Baix Emporda

Galicia espallada

Unha recolleita da cultura galega

Literatura, historia, arte, música, gastronomía, galeguismo, tradicións, lendas, costumes, emigración

Á memoria de Manuela Viaño (1929-2013)

Lendas galegas : o LOBISHOME

Segundo a crenza popular os lobishomes ou homes-lobo son individuos que por mor dunha maldición e por ser o sétimo ou noveno fillo nacido dun matrimonio con descendencia de todos varóns ou mulleres, poden nacer coa "fada" de sufrir unha transformación en lobo, tanto en aparencia e actitude, ó cumprir unha determinada idade. 

loboPara que isto non ocorra o fillo afectado pola fada debe ser apadriñado polo irmán ou irmá maiores, segundo se trate de homes ou mulleres.

A transformación do individuo en lobishome ten lugar pola noite e en lugares despoboados, pero non existe unanimidade sobre cales serían as noites nas que tería lugar a metamorfose.

Algúns relatos falan de todas; outros, dos mércores, e outros, dos martes, mércores e venres. Pasado este momento, recuperaría a súa forma humana, podendo recordar ou non a súa faceta como lobo.

A maldición debe ser cumprida durante un tempo determinado que pode abarcar dende 7 anos a toda a vida. Non se libra un dela coa morte, pois neste caso a maldición pasaría ó espírito.

Nos relatos populares recóllense diversas formas de poder librarse da maldición: queimarlle a pel no momento da transformación, ferilo cunha bala de prata bendicida ou facelo sangrar usando sobre todo o aguillón do ramo do acivro bendito o Domingo de Ramos.

As lendas sobre lobishomes están moi arraigadas en Galicia e nelas pódense observar paralelismos con lendas xermánicas, debido, quizais, á presencia nórdica en Galicia, especialmente durante o reino suevo.

 

 

 

Mónica Beatriz Suárez Groba

Bibliografía consultada: "breviario enciclopédico", eladio rodríguez gónzalez

 

 

VER MÁIS TEMAS DA NOSA CULTURA: ENTRA AQUÍ