Venta online brezo vallas Girona
Venta productos peluqueria, belleza y estetica Xpels
Venta ropa interior mujer Lintima
Uniforme laboral ropa trabajo Global Uniformes
Tiendas online Ecommerce ServiWebsi
Créditos para su tienda online

Galicia espallada

Unha recolleita da cultura galega

Literatura, historia, arte, música, gastronomía, galeguismo, tradicións, lendas, costumes, emigración

Á memoria de Manuela Viaño (1929-2013)

Letras Galegas 2004 : Xaquín Lorenzo, "Xocas"

O gado

 

O gando


«Nos nosos días ten aínda o gado unha gran importancia en Galicia e son moitos os lugares que viven fundamentalmente do seu coidado.

O conxunto dos animais que viven a carón do home, dependendo del, é coñecido co nome de facenda, sendo curioso o feito de que este nome non se aplica ás demais cousas de que é propietario o campesiño senón únicamente ós animais.»


«A facenda na actualidade», en A Terra, p. 189


«As vacas e os bois son, sen dúbida, a base da economía dos nosos campesiños até o punto de calcularen a súa riqueza polo número de bois e vacas de que son donos.

A xente do campo sente especial afeizón por estes animais, non só pola utilidade senón tamén pola súa nobreza, xa que son quizais os máis mansos que cría á súa beira.

Este gado é vello entre nós: segundo a testemuña dos clásicos, xa rendía os seus produtos ós habitadores dos castros e, de feito, téñense atopado nas citanias pezas da súa dentamia.»


«O gado vacuno», en A Terra, p. 196.



«O gado de raza galega é dun grandor medio, coa cabeza ben proporcionada, fronte e cara planas, órbitas saíntes, fuciño estreito e longo, cornos grandes, elípticos, dirixidos cara a fóra no comenzo e dobrando despois as puntas para atrás; orellas grandes, pescozo forte, lombo estreito, patas curtas e finas, pesuña longa e dura, rabo groso e membranas vermellas.»


«O gado vacuno», en A Terra, p. 197.



«O porco é fundamental na vida campesiña, xa que el resolve gran parte da mantenza da xente, especialmente durante o inverno. De eiquí o interés que teñen por el as nosas xentes e os coidados que lle adican.
O porco chegou a ter, nos vellos tempos, carácter sagrado e el dá nome a unha cultura: a dos ' verracos'.» 


«Os porcos», en A Terra, p. 210.

 



Fonte: Biblioteca Virtual Galega


     

Volver a:     Xocas, homenaxeado das Letras Galegas 2004