Venta online brezo vallas Girona
Venta productos peluqueria, belleza y estetica Xpels
Venta ropa interior mujer Lintima
Uniforme laboral ropa trabajo Global Uniformes
Tiendas online Ecommerce ServiWebsi
Créditos para su tienda online

Galicia espallada

Unha recolleita da cultura galega

Literatura, historia, arte, música, gastronomía, galeguismo, tradicións, lendas, costumes, emigración

Á memoria de Manuela Viaño (1929-2013)

O BOTAFUMEIRO DA CATEDRAL

Botafumeiro da Catedral de Santiago de CompostelaUn dos símbolos máis coñecidos e populares da catedral de Santiago é o enorme "botafumeiro" que se pendura da bóveda central en ocasións especiais. 

O botafumeiro, enorme incensario - na actualidade de latón prateado e noutros tempos de prata- ten un peso de 53 quilos e é capaz de ser balanceado chegando a atinxir velocidades de 70 quilómetros por hora e elevándose ata 20 metros de altura. Dese xeito, cando se pon en funcionamento dá lugar a unha espectacular cerimonia.

Se podería dicir que o botafumeiro xurdiu por necesidade de resolver un problema sanitario. Durante os escuros séculos do medievo, azoutados polo vandalismo e as pestes, os peregrinos, por miles, se protexían entre os muros de pedra da Catedral non só para elevar as súas pregarias e promesas ó Apóstolo Santiago se non tamén para durmir e guarecerse do mal tempo, das chuvias e da friaxe. 

Di a lenda que cara o século XI da nosa era,  os monxes e canónicos da catedral, saturados pola aglomeración humana que se producía e tras padecer a cidade varias epidemias, encargaron a construcción dun enorme aparello que servise para paliar tan desagradable situación. 

Estaba calculado para que ó balancearse, puidese derramar o doce olor do incenso sobre a multitude de peregrinos, actuando como desinfectante e dulcificando o cheiro do espacio sagrado. A ese enorme incensario de prata, de máis dun metro e medio de altura, chamóuselle en lingua galega e castelá "botafumeiro".

A finais do século XVI substitúese a peza medieval por outra construída por Juan Bautista Celma quen deseñou unhas pontes cruzadas de ferro e uns carretes, os cales permitían o funcionamento do botafumeiro. Deste xeito, sen sabelo , Celma, puxo en práctica un mecanismo que obedecía a principios físicos que tardarían séculos en descubrirse.  Este botafumeiro, ofrenda do rei Luís XI de Francia, estaba elaborado en prata. Foi roubado polas tropas francesas en 1809 durante a Guerra da Independencia. Entón tivo que ser substituído por outro máis moderno e menos ostentoso:  da prata pasouse ó latón prateado. 

As persoas encargadas de facer funcionar o botafumeiro son os "tiraboleiros" . A súa vestimenta consiste nunha grande túnica vermella. Para facelo mover,  tiran dunhas cordas de esparto que co apoio dunha roldana situada nel conseguen que este se balancee ascendendo ata a bóveda. Tiraboleiro significa o mesmo que thuribulum, é dicir, "lanzador de fume".

Para entender como funciona o botafumeiro, pódese facer unha comparación cun péndulo ou un columpio. Este atópase pendurado dunha corda de 21 metros de longo cando a altura da bóveda de cruceiro é de 22 metros. 

Para facernos unha idea da extrema precisión que require a súa operación, o tiraboleiro inicialmente ten que facer que o botafumeiro alcance uns 13 graos e uns 17 ciclos de bombeo, que requiren uns 80 segundos para atinxir un máximo, unha altura máxima correspondinte a 82 graos, a un metro por debaixo da bóveda do templo. Ademais, para que o botafumeiro se balancee libremente evitando que poida chocar coas paredes da catedral, conta con dous carretes dos que pende.

Curiosamente, se o botafumeiro de Santiago de Compostela estivese situado exactamente sobre a liña ecuatorial, podería balancearse durante horas sen chegar nunca a tocar as paredes, mentres que se estivese xusto sobre un dos polos, xiraría unha volta completa cada 24 horas, chocando cos muros da catedral.

O botafumeiro da Catedral de Compostela é o incensario máis grande do mundo e só se pode admirar nas misas solemnes. O resto dos días é substituído por outro incensario coñecido como A Alcachofa, que tamén está realizado en metal branco.os tiraboleiros e o botafumeiro


OS TIRABOLEIROS E O BUTAFUMEIRO DURANTE UNHA CERIMONIA

 

Volver a:   Compostela e o Camiño de Santiago