Venta online brezo vallas Girona
Venta productos peluqueria, belleza y estetica Xpels
Venta ropa interior mujer Lintima
Uniforme laboral ropa trabajo Global Uniformes
Tiendas online Ecommerce ServiWebsi
Créditos para su tienda online

Galicia espallada

Unha recolleita da cultura galega

Literatura, historia, arte, música, gastronomía, galeguismo, tradicións, lendas, costumes, emigración

Á memoria de Manuela Viaño (1929-2013)

A cociña tradicional galega

En Galicia, a cociña é lugar de reunión de moito enxoval tradicional, centro de relación familiar, testemuña de festas, conversas, tristezas e ledicias, e estancia fundamental en calquera casa rural. Nela tamén a utilidade de arte popular se fai estética. En tamaño e forma varían as distintas partes dunha cociña, segundo sexa a casa e a zona onde se encontre. 

a lareira A lareira ocupa un lugar destacado, e nos días de inverno atrae ós compoñentes familiares. Cóbrese cunha cambota que no interior leva o canizo onde se colgaba a carne da matanza para curar.

Do canizo pendía a gramalleira que sostiña o caldeiro no que lentamente cocía o alimento dos animais. Sobre a leña ía o tradicional pote da comida familiar.

A cociña completa necesita distintos mobles prácticos e de formas ben diferentes. Na artesa amasábase e gardábase o pan, servía ademais de mesa; o banco ou escano colocábase preto da lareira; as olas , os cazos, as tixolas colgábanse na espeteira, mentres que nos alzadeiros se colocaban elementos decorativos. Completaban o enxoval os útiles de barro ou metal para cociñar e gardar alimentos.

Moitos elementos da cociña tradicional galega desapareceron hai anos e actualmente novos elementos e outras necesidades igualaron a cociña rural coa urbana.

 

 

Mónica Beatriz Suárez Groba

Bibliografía consultada: "galicia 2001: etnografía espiritual", Xunta de Galicia.