Venta online brezo vallas Girona
Venta productos peluqueria, belleza y estetica Xpels
Venta ropa interior mujer Lintima
Uniforme laboral ropa trabajo Global Uniformes
Tiendas online Ecommerce ServiWebsi
Créditos para su tienda online

Galicia espallada

Unha recolleita da cultura galega

Literatura, historia, arte, música, gastronomía, galeguismo, tradicións, lendas, costumes, emigración

Á memoria de Manuela Viaño (1929-2013)


 

NA MORTE DE ALEXANDRE BOVEDA

Por Emilio Pita, del libro "Jacobusland"


No prado malvazul da mañá leda
frolecía a morte roxa e albeira;
Ay, que morreu a frol.
Foi pol-o albariño lanzal e ergueito.
Com'un dolmen, com'un branco penedo;
Ay, que morreu a frol.

Levan a Alexandre Bóveda
ár e río silandeiros;
a frol da neve nos párpados
a frol da lúa nos beizos.
0 levan os bois da néboa
catro son e os catro negros.
Levan a Alexandre Bóveda
ár e río silandeiros;
leda cántiga da Terra
desfollada pol-o vento.

¿Onde vai a frol das froles,
qué foi do verde luceiro?
E van píllaras lelías
brincando pol-os sendeiros.
A rosa levoun-a a mar
a luz solagoun-a o vento.
¿Onde vai a frol da Terra,
qué foi do verde luceiro?
As cántigas morren orfas
de pimpelas e troveiros.


Com'un dolmen, com'un branco penedo
foi pol-o albariño lanzal e ergueito.
Ay, que morreu a frol.
D'estrela e auga e lilia estaba feito,
choutaba a ledicia no seu corpo ledo.

Ay, que morreu a frol.
Por ronseles aluados
ruben os catro bois negros.
Outa cume da montaña,
ccm'un céltigo cruceiro
aló pousaron o corpo
cirio d'esperanza aceso.
A noite se abala, abala
envolta en loiro silencio.

Xa chegan os campesinos,
arume a terra e penedo.
Ponlas da veiga da mar
xa veñen os mariñeiros,
xa deixan a frol salgada
na rosa aberta do peito.
Mouros pétalos da noite
van a cabalo do vento.
Lelías de sol e orballo
brincan por novos sendeiros.


Emilio PITA.

Emilio PitaFoto: Emilio Pita