Venta online brezo vallas Girona
Venta productos peluqueria, belleza y estetica Xpels
Venta ropa interior mujer Lintima
Uniforme laboral ropa trabajo Global Uniformes
Tiendas online Ecommerce ServiWebsi
Créditos para su tienda online

Galicia espallada

Unha recolleita da cultura galega

Literatura, historia, arte, música, gastronomía, galeguismo, tradicións, lendas, costumes, emigración

Á memoria de Manuela Viaño (1929-2013)

Trinta ovos en Madrid, dúas ducias e media aquí

  

Como o acontecer da historia gastronómica galega está moi vencellado co desenvolvemento económico, ó falar deste tema semella que en Galiza levamos séculos pasando fame e padecendo miserias, aínda que tamén houbo anos de fartura. E así foi, así debemos contalo e así deberíamos aprender da nosa historia para non repetir os mesmos erros e, sen esquecer estas miserias, aprender do pasado sen complexos para gozar dunha cociña realmente marabillosa.

Científicos que estudiaron o sistema solar averiguaron que de cando en vez o sol treme, sufrindo o noso planeta os estragos desta treboada radiactiva que causa enfermedides nos seres vivos e variacións climáticas que afectan ó agro, cambios que non repercuten por igual en tódolos países. Estas radiacións tardan anos en chegar á terra e séculos en esvaecer, pero pódese calcular ese tempo ou cando se iniciaron. Hoxe sábese que a partires do ano 1850 Galiza padeceu as consecuencias deste fenómeno galáctico. 

O Padre Feijoo, facendo de cronista gastronómico e sociolóxico daqueles anos, dinos con toda crueza que «yo, a la verdad, solo puedo hablar con perfecto conocimiento de lo que pasa en Galicia, Asturias y montañas de León. En estas tierras no hay gente más hambrienta, ni más desabrigada que los labradores. Su alimento es un poco de pan negro acompañado de algún lacticinio o alguna legumbre vil; pero en tan escasa cantidad, que hay quienes apenas una vez en la vida se levantaron saciados de la mesa”. Este relixioso tamén describe a chamada dieta atlántica ó falarnos da lonxevidade dun veciño de Cambados do século XVIII: “País donde viven mucho los hombres. En Galicia murió el año pasado de 1726 un pobre labrador llamado Juan de Outeiro, vecino que fue de la Villa de Fefiñanes, [...] salen 146 años de edad, y es digno de reparo, que su común alimento era pan de maíz y berzas cocidas, tal vez alguna sardina o almeja, su regalo extraordinario puches de leche y harina de maíz; carne de vaca sólo la comía algún día festivo; vino (aunque le bebía) rarísima vez por su escasez de medios le lograba; [...] siempre se manejó con firme agilidad y tanta entereza en el juicio como si tuviera cuarenta años».

Máis de cen anos despois a situación semellaba ir a peor, se temos en conta unha noticia publicada na Gaceta oficial de Madrid —n. 323 do 19 de novembro de 1853—, antecesora do B. O. E., onde o Ministerio de Estado anunciaba que «[...] los Eminentísimos Sres. Cardenales Arzobispos de Lyon y de Burdeos le han dirigido, el primero la suma de 10.000 francos, producto de la limosna que ha recogido de sus feligreses para socorrer á los desgraciados habitantes de Galicia; y el segundo la de 5.000, [...] S. M. Ha dispuesto se manifieste á aquellos Príncipes de la Iglesia su particular agrado y reconocimiento por el celo y caridad que han empleado en esta ocasión a favor de aquellos desgraciados». Nestas datas comeza a emigración galega. 

 

Gaceta de Madrid

 

Fernández Albor, publicou na década dos 60 un traballo onde tenta demostrar que os tópicos do carácter galego —desconfiado, con retranca— débense a que estes séculos de inseguridade alimenticia convertíronse en impronta xenética. Afortunadamente hai medio século que acadamos un nivel de vida moi aceptable no eido da alimentación, pero ata entón o xuramento máis pronunciado era ¡Fame negra!.

 Ata que non tivemos un exceso de producción de alimentos a cociña galega non evolucionou, era autárquica, tradicional, pouco elaborada pero con calidade, hipercalórica e con arrecendo. Ó mellorar o nivel de vida xurde unha nova cultura na lareira, non hai escasez e pódese experimentar no pote, aparecen libros de cociña «galega» a moreas, interesámonos polo culinario, pola boa alimentación, ábrense eiquí restaurantes doutras culturas —xaponés, cubano, árabe, mexicano, chinés, italiano, vexetariano—, facemos turismo gastronómico, organizamos festas gastronómicas que xa comezan a ser tradicionais, temos programas na radio e  na televisión sobre o tema e dende todo o mundo pódese saber da nosa cociña ó través da Internet. Un exemplo: os nosos abós comían castañas asadas, cocidas e pan de fariña de castaña; e nós tamén, ademais empregámolas para facer biscoito, madalenas, flan, marron glacé, mousse de castañas, cremas e puré. Dende que escomenzou esta étapa desapareceu o mal de aire, un dos meigallos máis coñecidos que calquera médico diagnosticaría como raquitismo, desnutrición ou tuberculose.

  Voltar ó Cultura gastronómica e etnografía galegas, a sección de Xavier Barreiro