Venta online brezo vallas Girona
Venta productos peluqueria, belleza y estetica Xpels
Venta ropa interior mujer Lintima
Uniforme laboral ropa trabajo Global Uniformes
Tiendas online Ecommerce ServiWebsi
Créditos para su tienda online

Galicia espallada

Unha recolleita da cultura galega

Literatura, historia, arte, música, gastronomía, galeguismo, tradicións, lendas, costumes, emigración

Á memoria de Manuela Viaño (1929-2013)

caldeiradadeletras

Xantar de césares, abades e xudeus

degallaeciacoquinaria

La cocina del Imperio romano y su historia

L. Benavides-Barajas

EDITORIAL DULCINEA. 205 páxinas. 2000.

“De Re Coquinaria” de Apicius correxido, explicado, ilustrado con fotos dos pratos ben cociñados, ampliando os contidos coas receitas e comentarios doutros autores clásicos. Nesta obra recóllense varios textos de cociña da época do Imperio Romano, pero o seu cerne é o libro de Marco Gavius Apicius, afamado cociñeiro romano do século I. Neste libro atopamos sofisticadas receitas con centos de anos, redescubertas e adatadas para as nosas lareiras. 

       

A cociña romana recopilou o saber culinario das terras conquistadas, establecendo as bases da nosa cociña actual. A divulgación destes coñecementos debémosllo, en gran parte, a Vinidarius e outros escritores que traduciron os manuscritos de Apicius do latín nos séculos IV e V. Temos nas mans un gran libro da cociña histórica, moi completo e documentado. 

      

O Currículum Vitae gastronómico do autor, L. Benavides-Barajas, é unha garantía e implica o interés na lectura desta obra: representou durante anos a cociña española no Reino Unido na guía Michelín; colaborou en varias revistas e guías gastronómicas europeas e libros de cociña (The good chef, The dinner party book). Ten publicados tres libros sobre a cociña de Al-Andalus, da que é un gran coñecedor. Na actualidade participa en programas na televisión e na radio, publicando artigos de gastronomía en The D. Telegraph e máis en The Reporter.

Ad ovo ad mala

Miguel Beltrán LLoris

Institución “Fernando el Católico”. 40 páxinas. 2002. 

ad ovo ad malaA cociña e máis a alimentación no Aragón romano dende o punto de vista e cos coñecementos do Director do Museo Provincial e Zaragoza. Asemade, este traballo sirveu como discurso de ingreso na Academia Aragonesa de Gastronomía ao seu autor.  

  

 De lectura rápida e contidos ben documentados, o autor fai un repaso de tódolos alimentos, técnicas de cociña, usos e modais na mesa, enxoval de cociña e bebidas dos aragoneses-romanos de aquel entón. A destacar o comentario sobe as semellanzas coa cociña actual zaragozana.

    

 Un traballo curioso e orixinal editado pola Institución «Fernando el Católico» e máis a Excma. Diputación de Zaragoza.

La cocina en tiempos del Arcipreste de Hita

Antonio Gázquez Ortiz

ALIANZA EDITORIAL. 278 páxinas. 2002.

“Como dize Aristótiles, cosa es verdadera,/ el mundo por dos cosas trabaja: la primera,/ por aver mantenençia; la otra cosa era/ por aver juntamiento con fenbra plazentera”. Libro del buen amor, estrofa 71.     

 

La cocina en tiempos del Arcipreste de HitaNeste libro analízanse as orixes dos costumes culinarios das diversas rexións de España. Partindo de “El libro del buen amor”, obra maxistral da literatura medieval, analízanse os costumes culinarios dos nosos devanceiros, e ao mesmo tempo faise unha análise do comportamento de frades, campesiños, burgueses e nobres, cando teñen que loitar coa fame. 

     

Os centos de receitas desta obra veñen explicadas para que se poidan cociñar hoxe. As súas fontes son o libro de cociña medieval catalana “Libre de Sent Sovi”, un manuscrito do hispano-musulmán Ibn Razin, “As sete partidas” de Alfonso X, o libro de cociña de Ruperto de Nola e outras obras de autores medievais. 

    

É un libro de historia da nosa cociña na Idade Media que afonda, dende un punto de vista sociolóxico-gastronómico, no xeito de ser de cada estamento da sociedade, dende EL-Rey ata o máis pobre dos seus servos, ofrecéndosenos unha descarnada panorámica das virtudes, miserias e vicios, como a gula, dos homes do século XIV. 

     

Polos contidos amosados, podemos considerar este traballo como obra de consulta na historia da nosa gastronomía e como un recetario completo da cociña na Baixa Idade Media. 

Los placeres de mi cocina judía en la tradición sefardí

A. Rivka Cohen

PARSIFAL EDICIONES. 238 páxinas. 2003.

Los placeres de mi cocina judía en la tradición sefardíA cociña xudeo-española, que no século XV espallouse dende España ata o Imperio Otomano,  relatada por unha experta cociñeira sefardí descendiente daqueles “Sepharad” que conservaron o idioma e os seus costumes dende entón ata o de agora. A autora, educada nos costumes do xudaísmo sefardí, amósanos unha cociña cálida, mediterránea, chea de sol e vida, coas emocións das festas e a comida do día a día.  

  

Nesta obra atopamos un extenso recetario de cociña cun léxico sefardí básico, técnicas de cociña, como adobiar os pratos, o feito gastronómico das festas xudeas, así como anécdotas e relatos para unha mellor comprensión. 

     

É unha obra moi recomendable para aqueles que devezan por aprender algo novo na cociña acercándose a unha cultura que tamén é nosa. As receitas son sinxelas e sabrosas; os postres sorprenden polos sabores.

La cocina del barroco

Lorenzo Díaz

ALIANZA EDITORIAL. 175 páxinas. 2002.

A gastronomía do Século de Ouro en Lope, Cervantes e Quevedo. Ao través das obras destes xeniais autores coméntasenos as receitas do seu tempo e o entorno sociogastronómico.

      

 Nesta obra invítasenos a unha suxestiva viaxe na obra deses autores, dende a fame de “El buscón” ou de “Rinconete y Cortadillo” aos barrocos banquetes dos Austrias descritos por Francisco Fernández Montiño, o cociñeiro dos reis larpeiros. 

      

Gracias aos testimonios daqueles autores, penetramos nos hábitos alimenticios cotiás dunha sociedade chea de contrastes: opulencia e fartura frente a miseria e fame. Dásenos conta de cómo os pícaros se amañaban para comer un anaco de pan recesio, ou da gula de abades e poderosos, que non lles importaba que os seus conxéneres morresen dunha fartura de fame.

De techo y olla. Alojamiento y cocina en los libos de viaje por España

Ángel Martínez Salazar

MIRAGUANO EDICIONES. 285 páxinas. 2002.

De techo y olla. Alojamiento y cocina en los libros de viaje por EspañaObra amena e rigurosa, dá conta das observacións de ducias de viaxeiros de fóra que, máis ou menos obxectivos, con ou sin perxuicios, relatan as súas experiencias gastronómicas e hostaleiras na España durante trescentos anos. 

      

Este libro suculento, recopila e recrea as testemuñas máis significativas (non sempre nos deixan quedar moi ben, e con razón) sobre o aloxamento e a cociña que se poden ler nos diversos libros de viaxes por España. En trece capítulos con moita enxundia, explícanse os motivos deses tópicos, case lenda negra, que tan mala fama lle deron ás nosas lareiras e pousadas. 

      

A destacar as ilustracións de Gustave Doré, un dos mellores ilustradores franceses do século pasado, que traballou durante una ano retratando a nosa paisaxe gastronómica.

Venecia exquisita

Jean Clausel

PARSIFAL EDICIONES. 209 páxinas. 2003.

Venecia exquisitaHistorias gastronómicas e receitas da Venecia de Casanova. Por certo, este afamado conquistador era un sibarita que consideraba unha exquisitez un par de ovos escalfados, sen máis. 

   

Coa lectura deste libro coñeceremos a gastronomía veneciana de onte e de hoxe, as súas peculiaridades, os seus segredos. A embriaguez dos sabores e as historias divertidas que nos relata o autor animan a probar con calquera das receitas.

  

 A intención desta obra é a de poñer no noso coñecemento a vida na Venecia de hai séculos, e de tal xeito está narrada que facilmente o noso maxín pode colocarnos alí. Os contidos deste libro ben poden provocar a nosa gula máis sana, a nosa creatividade na cociña, penetrando deste xeito, e con moito pracer, no mesmo corazón da cidade nunha época luxuriosa e dourada. 

Ler e cociñar, todo é empezar

GASTRONOMICA

The Journal of Food and Culture

University of California Press. 1º trimestre 2004.

GastronómicaA prestixiosa publicación do Williams College de Berckeley, ven de publicar o primeiro número deste ano seguindo a liña editorial acostumada: cultura da alimentación (historia, performances, etnografía,…) sen receitas. Neste número podemos degustar: Eat your words; Delicius deception; How technology entered the kitchen; Food science and consumer taste; Chunky soup; Cooking and remembering; South Africa´s rainbow cuisine; Chinese food in the westenr countries.

 Cómpre destacar os artigos sobre a dieta dos loitadores xaponeses de Sumo (a Sumotori), o traballo sobre o comportamento do cerebro na memoria gastronómica e unha amplia reportaxe sobre un desfile de modelos cubertos só con alimentos vexetais. Para ler un destes traballos, ou baixalo da Internet, pódese consultar www.gastronoica.org

VIANDAR

www.viandar.com

Comer, beber, disfrutar. Febreiro-marzo 2004.

Contidos: La angula, texto y textura; Queso Gamonedo; Universidad de Ciencias Gastronómicas de Bra; Tascas de lujo; Viaje por el whisky (I); Viños e licores; eventos e  roteiros gastronómicos, cata de viños, o bo xantar e mellor beber. 

Como de costume, podemos disfrutar das excelentes receitas que acompañan cada artigo. A destacar o do maridaxe entre viños e cogumelos. 

CUISINE ET VINS DE FRANCE

www.cuisineetvinsdefrance.com

Febreiro-marzo, 2004.

As mellores receitas do país veciño: ostras; froitas; peixes; cociña exprés en 5 minutos; preparacións a base de diferentes tipos de pan, que non bocadillos; viños da Borgoña; artigos sobre o azucre, o salchichón e a pementa.  

A destacar o especial sobre a cociña das aboas, a tradición mesturada co saber da “cuisine” francesa, e as receitas de mexilóns sen albariño.

  

  Voltar ó Cultura gastronómica e etnografía galegas, a sección de Xavier Barreiro