Venta online brezo vallas Girona
Venta productos peluqueria, belleza y estetica Xpels
Venta ropa interior mujer Lintima
Uniforme laboral ropa trabajo Global Uniformes
Tiendas online Ecommerce ServiWebsi
Créditos para su tienda online

Galicia espallada

Unha recolleita da cultura galega

Literatura, historia, arte, música, gastronomía, galeguismo, tradicións, lendas, costumes, emigración

Á memoria de Manuela Viaño (1929-2013)

HISTORIA DA BANDA UNIÓN DE GULÁNS

En 1870, en Guláns (ver datos e ubicación), aldea da vila de Ponteareas, provincia de Pontevedra, nace a banda de múica "UNION DE GULÁNS", unha das máis antigas de Galicia.

O seu fundador e primeiro director foi D. José Carracedo Dominguez. Por tradición familiar o seu fillo Constante e despois o seu neto José, sucedéono coma directores, mantendo así viva esta agrupació musical ata o ano 1947.

 

Banda de Guláns

Da escola de música da "UNION DE GULÁNS" así como da participación na banda, xurdiron recoñecidos músicos, tanto a nivel instrumentista como directores e compositores.

A xeito de exemplo podemos citar a D. Rogelio Groba Groba, director da "UNION DE GULANS" de 1947 a 1952 e posteriormente director da Banda de Música Municipal de A Coruña durante máis de vinte anos, sendo o mesmo tempo director do Conservatorio de Música da mesma cidade, consagrándose neste período como compositor de renome internacional.

Igualmente importantes despóis de 1952 e ata 1959, foron as participacións na banda como directores de D. Miguel Groba Groba e D. Indalecio Fernández Groba. 0 primeiro é actualmente director do Coro e Orquesta de Cámara da Comunidade de Madrid e profesor do Real Conservatorio de Música desa cidade. 0 segundo foi director de Banda de Música da cidade de Lugo, sendo actualmente e sucedendo a D. Rogelio Groba, director da Banda de Música Municipal de A Coruña.

A esta serie de directores gulanseses seguéronlle a partires de 1959 os foráneos D. Antonio Baquero, D. Francisco Rodríguez, D. José Fariñas e D. Rogelio Loureda, para en 1968 facerse cargo da batuta novamente outro discipulo da banda e gulansés: D. José Carracedo Pousada (bisneto do fundador), sendo baixo a súa dirección a "UNION DE GULÁNS" galardonada no concurso de bandas populares da cidade de Ourense en 1971 .  

 Banda de Guláns dirixida por Miguel Groba Groba

Fotografía da Banda sendo director da mesma  Miguel Groba Groba.

 

 

En 1972 e por mor do traslado de D. José Carracedo o Real Conservatorio de Música de Madrid, sucédeo no cargo novamente outro foráneo: D. Javier Basoco, seguido de D. Plácido Lorenzo, D. José Aradas, D. Alfonso Méndez, D. José Guillén e D. José Oro-Val, ata fináis de 1982.

No ano 1982 asume a dirección da banda outro xove do lugar, D. José Fernández Prego, que coma tódolos gulanseses anteriores é froito da formación musical que a agrupación mantén regularmente dende fai máis de cen anos.

E así, chega a banda a fináis do 1991 no que de novo é necesario recurir a outro foráneo, neste caso o recoñecido músico ourensán D. Hipólito Fernández Fernández, persoa que polos seus coñecementos, sensibilidade e entusiasmo constante conseguiu imprimir á "UNION DE GULÁNS" unha nova dinámica, elevando o nivel artístico-musical da mesma a tal punto, que quizais nestes intres, sexa o mellor de toda a súa historia.

Durante estes últimos anos ven alternando a batuta con D. Hipólito Fernández Fernández, a xove promesa Srta. Alicia Porto, gulansesa e que como todos os seus conveciños que pasaron pola banda, xurde ela tamén da escola continua que a "UNION DE GULÁNS" desenvolve.

A "UNION DE GULÁNS", está constituida por 50 compoñentes na súa grande maioría xoves que ademáis de participar na escola da banda, estudian cursos profesionáis de música e é de significar que máis de 90% dos participantes na mesma son naturais e veciños de Guláns. A banda interpreta os máis diversos xéneros musicáis tales como: clásica, zarzuela, lixeira, típica galega...

A media anual de actuacións da "UNION DE GULANS" é de 60 espectáculos, distribuídos entre concertos, actos culturáis, recreativos, festas populares,etc. na súa maioría en Galicia.

Destacamos como máis significativas as seguintes actuacións e participacións:

" 1979.- Grabación dun L.P
" 1985.- Participación na película "La Hora Bruja".
" 1986.- Inauguración do auditorio "Reveriano Soutullo".
" 1989.- Participación no programa da TVG " 0 Son dun Pobo".
" 1991.- Actuación no colexio "San Agustín" de Salamanca.
" 1992.- Participacións nas festas "Brueguel" da cidade de Bruselas.
" 1993.- Participación no programa "Luar" da TVG.
" 1994.- Participación no programa "Galicia Enteirá' da TVG e actuación no programa "Desde Galicia para o mundo" de TVE.
" 1997.- Inscripción da escola de música no Rexistro Oficial de Escolas de Música da Xunta de Galicia.
" 1998.- Última grabación da agrupación, e edición en cinta casete.
" Participación anual nos festivais de bandas que se levan a cabo en Ponteareas, entre outros.

http://es.geocities.com/gulanseses

Fonte: páxina web dedicada a Guláns, feita por Luis Soto)