Venta online brezo vallas Girona
Venta productos peluqueria, belleza y estetica Xpels
Venta ropa interior mujer Lintima
Uniforme laboral ropa trabajo Global Uniformes
Tiendas online Ecommerce ServiWebsi
Créditos para su tienda online

Galicia espallada

Unha recolleita da cultura galega

Literatura, historia, arte, música, gastronomía, galeguismo, tradicións, lendas, costumes, emigración

Á memoria de Manuela Viaño (1929-2013)

A Associaçom Galega da Língua (AGAL)

A Associaçom Galega da Língua (AGAL), que nasceu em 1981, é umha organizaçom que trabalha pola normalizaçom da Língua Galega. Consideramos, fazendo nossas as palavras de Castelao, que o nosso é um idioma extenso e útil. É a segunda língua románica mais falada no mundo, com mais de 200 milhons de utentes espalhados pola Galiza e Portugal, o Brasil, os Países Africanos de Língua Oficial Portuguesa e ainda um bom número de lugares na Ásia. É também umha língua oficial em diversas instituiçons políticas e económicas, como a Uniom Europeia, a Organizaçom para a Unidade Africana ou o MercoSul. Com certeza, o Galego nom é umha língua minoritária.

Trabalhamos em duas dimensons fundamentais. Por um lado, a científica, para desenvolver umha codificaçom autónoma, mas harmónica com o padrom lusobrasileiro. Em simultáneo, levamos a cabo actividades de dinamizaçom, cursos de formaçom, campanhas monográficas e, em geral, tentamos colaborar eficazmente com todas as pessoas e com todas as entidades empenhadas na dignificaçom da nossa Língua.

Nos últimos anos organizamos cinco congressos internacionais, em que participárom alguns dos vultos mais destacados das Ciências da Linguagem e da Literatura. Como editores, mantemos a publicaçom trimestral continuada da revista de Ciências Sociais e Humanidades Agália desde o ano 1985 e contamos já com um importante leque de publicaçons monográficas, sobre Literatura, Lingüística, e Criaçom.

No ámbito da extensom do uso, organizamos periodicamente cursos nas principais cidades galegas, bem como conferências, seminários e campanhas de sensibilizaçom social. Recentemente, abrimos um espaço na Internet, o Portal Galego da Língua, em  http://www.agal-gz.org, que pretende ser um lugar de encontro para todas as pessoas comprometidas com a nossa Língua e com a nossa Cultura, sem qualquer tipo de exclusom. Convidamos-vos a todas as Galegas e todos os Galegos da emigraçom a visitar o nosso Portal. Agradecemos desde já todas as informaçons sobre as vossas actividades, as vossas opinions e os vossos comentários. E enviamos um grande abraço fraterno para toda a Galiza espalhada polo mundo,

Miguel Penas

Secretário de Organizaçom da AGAL

Oscar Diaz Fouces

Vogal do Conselho da AGAL

mundo@agal-gz.org